အချိန်နှင့် ဇီဝနာရီ ဆက်စပ်ပုံကို လေ့လာသူများရဲ့ တွေ့ရှိချက်အရ လူ့ကိုယ်တွင်းရှိ ဇီဝနာရီ စည်းချက်မှန်မှန် လှုပ်ရှားနိုင်ဖို့အတွက် အကောင်းဆုံးအချိန်များကို အံကိုက် ရွေးချယ်စားသောက်ပေးသင့်ပါတယ်တဲ့။ အဲဒီအချိန်တွေကတော့……

နံနက် (၆) နာရီမှ (၇) နာရီအတွင်း

အကြောလျှော့လေ့ကျင့်ခန်း ဒါမှမဟုတ် ယောဂလေ့ကျင့်ခန်းလုပ်ပါ။

နံနက် (၇) နာရီမှ (၈) နာရီအတွင်း

နံနက်စာစားဖို့အကောင်းဆုံးအချိန် ဖြစ်ပါတယ်။

နံနက် (၁၀) နာရီ

အဆာပြေတစ်ခုခုစားပါ။

  • ခန္ဓာကိုယ်ဟာ ဦးနှောက်မှရရှိတဲ့ ဂလူးကို့(စ်) ၂၀ % ကို အဲဒီအချိန်ဝန်းကျင်လောက်မှာ အသုံးချပြီးဖြစ်နေတတ်ပါတယ်။ ဒါကြောင့် အဆီပါဝင်မှုနည်းတဲ့ ကာဗိုဟိုက်ဒြိတ်ပါ သရေစာများ (ဥပမာ- ငှက်ပျောသီး၊ ပေါင်မုန့်များ စားသောက်ပေးခြင်းဖြင့် အမြင့်ဆုံး ခွန်အားအဆင့်ကို ရရှိစေမှာဖြစ်ပါတယ်။

နေ့လယ် (၁) နာရီ

နေ့လယ်စာစားပါ။

  • လူတစ်ဦးရဲ့ စွမ်းအင်တွေဟာ သဘာဝအားဖြင့် အဲဒီအချိန်ဝန်းကျင်လောက်မှာ ကျဆင်းနေတတ်ပါတယ်။ နေ့လယ်စာကို နောက်ကျမှစားမယ်ဆိုရင် သင့်အနေနဲ့ လိုအပ်တဲ့ ကယ်လိုရီကီလိုဂျိုး(လ်) ပမာဏထက် ပိုပြီးစားသုံးမိနိုင်ပါတယ်။

နေ့လယ် (၂) နာရီမှ (၃) နာရီအတွင်း

  • သရေစာတစ်ခုခုစားပါ။
  • သွေးတွင်းသကြားဓာတ်ပမာဏဟာ နေ့လယ်စာစားပြီး အဲဒီအချိန်လောက်မှာဇောက်ထိုးကျသွားတတ်ပါတယ်။ ဒါကြောင့်သီဟိုဠ်စေ့၊ ရိုးရိုးပြောင်းဖူးပေါက်ပေါက်၊ သစ်သီးအစိုအခြောက်အမျိုးမျိုးကို စားသုံးခြင်းဖြင့် သင့်ရဲ့သွေးတွင်းသကြားဓာတ်ကို ပုံမှန်အတိုင်းပြန်ဖြစ်စေနိုင်ပါတယ်။

ညနေ (၄) နာရီမှ (၆) နာရီအတွင်း

  • ကာယလေ့ကျင့်ခန်းလုပ်ပါ။
  • ကြွက်သားများရဲ့ အပူချိန်နဲ့ အခြားကိုယ်လက်ကြံ့ခိုင်ရေးတို့ဟာ အဲဒီအချိန်ဝန်းကျင်လောက်မှာ အမြင့်ဆုံးကိုရောက်ရှိတဲ့အတွက် ဖြစ်ပါတယ်။

ညနေ (၅) နာရီမှ (၇) နာရီအတွင်း

  • ညနေစာ စားပါ။
  • အဲဒီအချိန်ကျော်လွန်မှ ညစာစားရင် ပိုမိုပြီး ပြည့်အင့်အောင်စားဖို့ ဆန္ဒဖြစ်လာတတ်ကြပါတယ်။ ထိုအချိန်မှာ ညနေစာစားခြင်းအားဖြင့် စားလိုက်တဲ့အစာတွေကို အိပ်ရာမဝင်ခင် အပြည့်အဝ ခြေဖျက်ဖို့အချိန်ရစေနိုင်ပါတယ်။

ည (၇) နာရီမှ (၉) နာရီအတွင်း

  • အိပ်ရာမဝင်မှီ အစာတစ်ခုခုစားပါ။
အဆီမပါတဲ့ဒိန်ခဲ၊ ကြက်ဆင်သားလိုအသားလွှာ တစ်လွှာ (သို့) ငှက်ပျောသီးတစ်လုံး စတဲ့အစာများကို စားသုံးပေး
ခြင်းဟာ တစ်ညတာလုံး ကောင်းစွာ အိပ်စက်နိုင်စေပါတယ်။ အကြောင်းကတော့ အဆိုပါအစာများမှာ ပါဝင်တဲ့ 
အမိုင်နိုအက်စစ်တစ်မျိုးဖြစ်တဲ့ ထရစ်(ပ်)တိုဖန်ဟာ လူများအိပ်စက်နိုင်မှုကို အကျိုးပြုတာကြောင့်ဖြစ်ပါတယ်။