အသားဓာတ် (ပရိုတင်း) လွန်စွာကြွယ်ဝတဲ့ အစားအစာတွေ ဖြစ်တဲ့ ပဲအမျိုးမျိုး၊ ဥအမျိုးမျိုး၊ နို့နဲ့ နို့ထွက်ပစ္စည်းများ၊ ကြက်သားနှင့် အနီရောင်အသားတွေ (ဝက်၊ အမဲ၊ ချေ၊ ဆတ်သား စသည်) တို့မှာ မရှိ မဖြစ် အမိုင်နိုအက်စစ်အုပ်စုအနေဖြင့် BCAAs ခေါ် Branched Chain Amino Acids အတွဲလိုက် ခွဲခြမ်းထားသော အမိုင်နိုအက်စစ် တွေနဲ့ ဖွဲ့စည်းထားတာဖြစ်ပါတယ်။ အသားလို့ အလွယ်တကူခေါ်လိုက် တဲ့ အမဲသား၊ ဝက်သား၊ ချေသား၊ ဆတ်သား၊ ဆိတ်သားတို့ရဲ့ ြွကက်သားမျှင်တွေမှာ ကြွက်သား ကြံ့ခိုင်ရေး၊ သန်စွမ်းရေးကို တည်ဆောက်ပေးသော ပရိုတင်းများတွင် BCAAs များ မြင့်မားစွာ ပါဝင်ပါတယ်။ လူတိုင်းနီးပါး အသား စားသုံးရတာကို ကြိုက်နှစ်သက် လေ့ရှိပါတယ်။ သို့ပေမဲ့ အသားတွေထဲမှာမှ အချို့သော အသားတွေကို သင်မှားယွင်းစွာ များများစားသုံးမိပါက ဘေးထွက်ဆိုးကျိုးတွေ ရရှိ လာနိုင်ကြောင်းကိုတော့ သိသူ အတော်ရှားတယ်လို့ အေးရှား ကျန်းမာရေးစောင့်ရှောက်မှုဂျာနယ်မှာ ဖော်ပြထားပါတယ်။

ဩစတြေးလျနိုင်ငံ၊ ဆစ်ဒနီချားလ်စ်ပါကင်စင်တာ ဆေးတက္ကသိုလ်မှ ပါမောက္ခစတီဖင် ဆင်မ်ပ်ဆင်နှင့် အဖွဲ့ရဲ့ သုတေသနအရ အသားတွေ နင်းကန်စားခြင်းက လူကို ကိုယ်အလေးချိန် တိုးစေတဲ့အပြင် စိတ်ခံစားမှုကိုပါ မအီမလယ်ဖြစ်စေပြီး အသက် တိုစေပါသတဲ့။

သူတို့ရဲ့ သုတေသနတွင် ကြွက်များအား BCAAs ကြွယ်ဝတဲ့ အသားများကို အချိန်ကာလတစ်ခုကြာအောင် အမျိုးမျိုးသောပမာဏ ပြောင်းကာကျွေးပြီး ရလဒ်များအား စောင့်ကြည့်လေ့လာ သုတေသန ပြုခဲ့တာ ဖြစ်တယ်။ ထိုအချိန် ကာလအတွင်း ကြွက်များအား ပုံမှန် ကျွေးသင့်တဲ့ ပမာဏထက် နှစ်ဆတိုး၍ ကျွေးခြင်း ၂၀ဝ ရာခိုင်နှုန်း၊ စံချိန်စံညွှန်း ပုံမှန်ကျွေးသင့်တဲ့ ပမာဏကျွေးခြင်း ၁၀ဝ ရာခိုင်နှုန်းနှင့် ပုံမှန်ကျွေးသင့်တာရဲ့ တစ်ဝက်ပမာဏသာကျွေးခြင်း ၅၀ ရာခိုင်နှုန်း သို့မဟုတ် ပုံမှန်ပမာဏ၏ ၅ ပုံ ၁ ပုံသာ ကျွေးခြင်း ၂၀ ရာခိုင်နှုန်း စသည်ဖြင့် အမျိုးမျိုး အတိုး အလျှော့လုပ်ပြီး အသားတွေကျွေးကာ စောင့်ကြည့်ခဲ့တာဖြစ်ပါတယ်။

ထိုသို့ စောင့်ကြည့်လေ့လာခဲ့ရာမှ ပုံမှန်စားသင့်တာထက် ၂ ဆ ပို (၂၀ဝ ရာခိုင်နှုန်း) အသားတွေ အကျွေးခံရသော ကြွက်လေးတွေဟာ ဝတုတ်လွန်လာပြီး အသက်တို လာကြောင်း တွေ့ခဲ့ရပါသတဲ့။ ၎င်းတို့ကျွေးခဲ့သော အသားပရိုတင်း များမှာ BCAAs ကြွယ်ဝတဲ့ အသား များဖြစ်ပြီး ထရစ်ပ်တိုဖင် (Tryptophan) ကဲ့သို့သော မရှိမဖြစ် အမိုင်နိုအက်စစ်မျိုး အများကြီး စားရင်ရော ကြွက်လေးတွေအပေါ် ဘယ်လိုအကျိုးဖြစ်စေမလဲဆိုတာ ထပ်လေ့လာဖို့ လိုသေးတယ်လို့ ပြောပြပါတယ်။

ဘာကြောင့်လဲဆိုတော့ ထရစ်ပ် တိုဖင်တွေဟာ ဦးနှောက်ထဲမှာ လူ့စိတ်အား ပျော်ရွှင်ချမ်းမြေ့စေတဲ့ ဆီရိုတိုနင်ခေါ် ပျော်ရွှင်စေသော ဓာတုပစ္စည်းအဖြစ် ပြောင်းလဲပေးတာ ဖြစ်ပါတယ်။ သို့ပေမဲ့ BCAAs တွေ အရမ်းမြင့်တဲ့ အသားတွေ နင်းကန်စားကြတဲ့အခါ သွေးထဲမှာ ထရစ်ပ်တိုဖင် ပြည့်နေရမဲ့အစား BCAAs တွေလည်း တအားများနေ စေပါသတဲ့။ ဆိုလိုတာက ထရစ်ပ် တိုဖင် နည်း (BCAAs တွေ ဦးနှောက် ထဲ မြင့်မားတဲ့အတွက်) တဲ့အခါ ကြွက်တွေဟာ ဗိုက်တအားဆာ လာပြီး တအားစားတာ တွေ့ခဲ့ရပါသတဲ့။ ဒါ့အပြင် အသက်မရှည်ဘဲ စောစီးစွာ သေကြေပျက်စီးတာ တွေ့ရပါတယ်။

ဒါကြောင့် အသား (ပရိုတင်း) ဆိုတိုင်း မိမိအတွက် တကယ်အကျိုး ပြုမဲ့ အသားဓာတ် ပရိုတင်းလား၊ လူကို ဘေးဖြစ်စေမဲ့ အသားဓာတ် ပရိုတင်းလားဆိုတာ ခွဲခြားတတ်တဲ့ အသိÓဏ်နဲ့ ချင့်ချိန်စားရန် လိုသ လို သင့်တင့်မျှတစွာ စားရန်လည်း လိုပါလိမ့်မယ်။

ပရိုတင်း (အသားဓာတ်) ဆိုရာတွင် ထရစ်ပ်တိုဖင် အမျိုးအစား ပရိုတင်းဟာ လူကိုပျော်ရွှင် အေးချမ်းမှုပေးတဲ့အပြင် ကျန်းမာရေး သင့်တင့်မျှစေပါသဖြင့် ထရစ်ပ်တိုဖင် ကြွယ်ဝတဲ့ ပရိုတင်း မရှိမဖြစ် အမိုင်နိုအက်စစ်မျိုးကိုသာ ရွေးချယ်စားသောက်ကြရန် တိုက်တွန်းထား ပါတယ်။ ထိုမရှိမဖြစ် အမိုင်နို အက်စစ် ထရစ်ပ်တိုဖင် ကြွယ်ဝသော အစားအစာတွေကတော့ အစေ့များ၊ အဆန်များ၊ ပဲပုပ်စေ့များ၊ ချိစ်၊ ကြက်သား၊ ကြက်ဆင် သားနှင့် စိတ်ဝင်စားစရာ ကောင်းလှ စွာသော မိကျောင်းသားဖြစ်ပါသတဲ့။ မြန်မာနိုင်ငံမှာတော့ နှမ်း၊ ပဲ၊ မြေပဲ၊ ပဲပုပ်စေ့၊ ဖရုံ စေ့၊ ဖရဲစေ့၊ နေကြာစေ့တို့ အလွန်ပေါလို့ အားရ စရာပါ။ စားရန်သာ လိုပါတယ်။

သုတေသနပညာရှင်များ ရှင်းပြချက်အရ ဟင်းသီးဟင်းရွက်များ၊ သစ်သီးများနှင့် အသားပိုစား၊ ကစီ (ဆန်၊ ဂျုံ၊ ပြောင်း) လျှော့စားခြင်းဟာ မျိုးပွားခြင်းတာဝန်ကို အကျိုးများစေပါသတဲ့။ အသက်ရလာတဲ့အခါ လူလတ်ပိုင်းအရွယ်မှာလည်း အကျိုးရှိစေသလို၊ ဟင်းရွက်များ၊ သစ်သီးများနဲ့ အသား၊ အစေ့အဆန်၊ နို့၊ ပဲအမျိုးမျိုးအား သင့်တင့်မျှတစွာ စားသောက်တတ်တဲ့ အသိဉာဏ်ဖြင့် ဆင်ခြင်စားသုံးပါက အသက်ရှည် ကျန်းမာစေတယ်လို့ လမ်းညွှန်လိုက်တာ ဖြစ်ပါကြောင်း။

 

ဒေါက်တာရည်ညွန့်မေ