အမျိုးအစား (၂) ဆီးချိုသွေးချိုရှိနေလျှင် ဆေးသောက်ရုံသာလျှင်မကဘဲ အစားအသောက်ကိုလည်း မျှတအောင် စားရမဲ့အပြင် လူနေမှုစရိုက်ပြောင်းလဲကျင့်သုံးဖို့လည်း လိုပါတယ်။ ဒါပေမဲ့ ဘယ်လိုအစားအသောက်တွေဟာ ကျန်း မာရေးနဲ့ ညီညွတ်သလဲ၊ ဘယ်လိုအစားအသောက်တွေက မညီညွတ်ဖူးလဲဆိုတာ ဝေခွဲမရ ဖြစ်နေတတ်ပါတယ်။
အောက်ဖော်ပြတဲ့ အချက်တွေက ပုံမှန်အတိုင်းဆိုရင်တော့ သင့်အတွက်ကောင်းပါတယ်။ ဒါပေမဲ့ တကယ်တမ်း အသေးစိတ် လေ့လာကြည့်တဲ့အခါ သင့်ရဲ့ ကြိုးစားအားထုတ်မှုတွေ အချည်းနှီး ဖြစ်သွားစေနိုင်တဲ့အတွက်ကြောင့် ရှောင်ကြဉ်သင့်သောအချက်များ ဖြစ်တယ်။

(၁) သကြားမပါ (Sugar-free) ဟု စာတန်းကပ်ထားသော အစားအသောက်များဝယ်ခြင်း
စူပါမားကက်ကြီးတွေထဲမှာ ဆီးချိုသွေးချိုသမားများအတွက် ရည် ရွယ်ရောင်းချတာဆိုပြီး စင်ပေါ်မှာပြသထားသောစားသောက်ဖွယ်ရာတွေ အများကြီးပါပဲ။ သူတို့ဆိုလိုတာက သကြားထပ်ထည့်မထားဘူး၊ သကြား မပါဘူးဟူ၍ ဖြစ်တယ်။ ဒါပေမဲ့ သကြားအစားထိုးပစ္စည်းတွေ ကစီဓာတ် တွေပါနေတာ ဖြစ်တယ်။ အဲဒီကစီဓာတ်တွေကြောင့်လည်း သင့်ရဲ့ သွေး တွင်း သကြားဓာတ် ထိုးတက်သွားနိုင်ပါတယ်။
ဒါကြောင့် ဈေးမဝယ်မီမှာ အညွှန်းစာတန်းကို သေချာဖတ်ပြီး တစ်ခါ စားပမာဏတွင် ကစီဓာတ်ဘယ်လောက်ဂရမ်ပါသလဲဆိုတာ ဦးစွာဖတ် ကြည့်ပါ။ ဒါ့အပြင် သကြားဘယ်လောက်ထပ်ထည့်ထားသလဲဆိုတာ ပါရင် လည်း ဖတ်ကြည့်ပါ။ စုစုပေါင်းကစီဓာတ် ဘယ်လောက်လဲဆိုတာက သင့် သွေးတွင်းသကြားဓာတ်ကိုထိန်းချုပ်ရာမှာအထောက်အကူပြုမှာဖြစ်တယ်။

(၂)Meal Replacement Bars များ ဝယ်စားခြင်း
Meal Replacement Barsဆိုတာ အာဟာရဓာတ်များကို အချောင်း တစ်ချောင်း bar တစ်ခုသဖွယ်ဖြစ်အောင် စီမံပြုလုပ်ပြီး ထုတ်လုပ်ထား သောစားစရာဖြစ်တယ်။ မြင်လွယ်အောင်ပြောရလျှင် ချောကလက် အချောင်း၊ ဝေဖာမုန့်အချောင်းကဲ့သို့ ပုံသဏ္ဌာန်ဖြစ်ပြီး ပါဝင်တဲ့ အာဟာရ ဓာတ်တွေကတော့ ကစီဓာတ်၊ အသားဓာတ်၊ အဆီဓာတ်နှင့် ဗီတာမင် စသည်တို့ကို စုပြုံပြီး အားဖြည့်ထားတဲ့အတွက် အဲဒီ bar အချောင်းတစ်ခု ကို စားလိုက်လျှင် လူတစ်ယောက်အတွက် အာဟာရဓာတ် ပြည့်ဝသွားစေလေ့ ရှိတယ်။ ဒီစားစရာတွေက ကိုယ်အလေးချိန်ချနေ သူများအတွက် အကူ အညီ ဖြစ်ပါတယ်။ ပိန်ချင်သူတွေ အလွယ်တကူ ဝယ်စားလေ့ရှိသော စားစရာများလည်း ဖြစ်တယ်။
ဒါပေမဲ့ ဒီစားစရာတွေ အများစုက အားကစားသမားများအတွက် ရည်ရွယ်ပြီး ပြုလုပ်ထားတာဖြစ်တယ်။ ဒါမှမဟုတ် တောတောင်တွေထဲမှာ လမ်းလျှောက်ခရီးသွားသောသူတွေ ထမင်းဟင်းချက်မစားဖြစ်လို့ အလွယ် တကူကိုက်စားပြီး အာဟာရဓာတ်ဖြစ်အောင် စီမံထားခြင်း ဖြစ်တယ်။ ဒါ့ကြောင့် အဲဒီ bar အချောင်းတွေထဲမှာ ကယ်လိုရီအများကြီးပါအောင် လုပ်ထားတယ်။ တချို့က သကြားဓာတ် Sugar Alcohol ဓာတ်တွေပါ တယ်။ ဒီဓာတ်တွေက အစာအိမ်ကို ဒုက္ခပေးနိုင်ပါတယ်။ နံနက်စာစားဖို့ အချိန်မရှိလို့ တစ်ခါတစ်ရံစားတာကတော့ ပြဿနာမရှိသော်လည်း အမြဲ မစားသင့်ပါ။ ဒါမှမဟုတ် ကယ်လိုရီအကန့်အသတ်နှင့် ထည့်ထားသော bar အချောင်းများကို ရွေးချယ်ဝယ်ယူပြီးစားပါ။

(၃) ဗီတာမင်နှင့် ဖြည့်စွက်အားဆေးများ သောက်ခြင်း
သစ်သီးဝလံနဲ့ ဟင်းသီးဟင်းရွက်များပါဝင်သော အစားအသောက် များတွင် သင်လိုအပ်သော အာဟာရဓာတ်များအားလုံး ပါဝင်ပါတယ်။ ဗီတာမင်ပေါင်းစုံပါဝင်သော အားဆေးများက အဲဒီလို မစားနိုင်သူများ အတွက် အသုံးဝင်နိုင်သော်လည်း ဟင်းသီးဟင်းရွက် သစ်သီးဝလံများ ကနေ ရနိုင်သော ဗီတာမင်လောက်တော့ မပါနိုင်၊ မရနိုင်ပါ။ လူအချို့က သွေးတွင်းသကြားဓာတ်ထိန်းနိုင်အောင်ဆိုပြီး cinnamon သစ်ကြံပိုးခေါက်ပါသော စားစရာတွေစားလေ့ရှိတယ်။ ဒါပေမဲ့ ဘယ်လိုအလုပ်လုပ်တယ်ဆိုတာ ရှင်းလင်းစွာ မသိရသေးပါဘူး။ ဒါကြောင့် အားဆေးတစ်ခုခု စားတော့မယ်ဆိုရင် ဆရာဝန်နှင့် တိုင်ပင်ပြီးမှစားပါ။ ဒါ့အပြင် သင့်အတွက် သင်သောက်နေသော ဆေးများနှင့် ဓာတ်ပြုခြင်း ရှိ၊ မရှိ သေချာအောင် မေးပြီးမှ သောက်သင့်ပါတယ်။

(၄) ဖျော်ရည်သောက်ခြင်း
သဘာဝဖျော်ရည်ဟုဆိုတိုင်းလည်း အမြဲတမ်းကျန်းမာရေးနှင့် ညီ ညွတ်သည်ဟု ဆိုလိုခြင်းမရှိပါ။ ပန်းသီးဖျော်ရည်တစ်ခွက်တွင် သကြား ဓာတ် ၂၅ ဂရမ် ပါဝင်ပြီး အမျှင်ဓာတ်ကျတော့ ဝ.၅ ဂရမ် မျှသာလျှင် ပါဝင်တယ်။
ဒါပေမဲ့ ပန်းသီးကို အလုံးလိုက် တစ်လုံးစားရင် သကြားဓာတ်က ၁၉ ဂရမ်ထက်နည်းပြီး အမျှင်ဓာတ်၄.၅ဂရမ်ထက်တောင် ပိုသေးတယ်။ ပန်းသီးအလုံးလိုက်စားခြင်းအားဖြင့် သင့်အား ပို၍ကျေနပ်မှုဖြစ်စေတဲ့ အပြင် သကြားဓာတ်ကိုလည်း အချိန်တော်တော်ကြာ တည်ငြိမ်နေအောင် ထိန်းပေးနိုင်တယ်။ ဒါ့အပြင် လေ့လာမှုတစ်ခုအရ ဖျော်ရည်နေ့တိုင်း သောက်တဲ့သူတွေမှာ ဆီးချိုသွေးချိုရောဂါ ဖြစ်လာနိုင်တဲ့ အခွင့်အလမ်း များကြောင်း တွေ့ရှိထားရတယ်။ ဒါပေမဲ့ သစ်သီးဝလံ နေ့တိုင်း ပုံမှန်စားတဲ့ သူတွေမှာတော့ အဲ့သလို မဖြစ်ပါ။

(၅) ဆိုဒါရည်များ
ဆိုဒါရည်ထဲမှာ ကယ်လိုရီမပါဘူးဆိုတာတော့ ဖြစ်နိုင်တယ်။ ကစီ ဓာတ်နှင့် အချိုဓာတ်မပါဘူးဆိုတာလည်းဖြစ်နိုင်တယ်။ ဒါပေမဲ့ လေ့လာမှု တစ်ခုအရ ဒိုက်ယက်ဆိုဒါလို့ခေါ်တဲ့ ဆိုဒါရည်တွေကိုသောက်ပြီး နောက် ဆုံးတော့ ကိုယ်အလေးချိန် တက်သွားတာနဲ့ အဆုံးသတ်ခဲ့ရတယ်လို့ သိရ တယ်။ ဒါ့ကြောင့်လည်း ဒိုက်ယက်ဆိုဒါ အရည်ကြိုက်နေသက်သူများဟာ သူတို့ကိုယ်သူတို့ ဘေးကင်းလှပြီဟုထင်ပြီး အစားအစာတွေကျတော့ ပိုစား ဖြစ်ကြတယ်။ အချိုအတုများကလည်း သင့်ရဲ့ခန္ဓာကိုယ်အား ရှုပ်ထွေး သွားစေလေ့ရှိတယ်။ ဒါ့ကြောင့် သင့်အနေနဲ့ ကိုကာကိုလာတစ်ခွက် လောက် သောက်ချင်စိတ်ဖြစ်လာရင် အဲဒီအစား ဖန်ခွက်ထဲမှာ ရေ သို့မ ဟုတ် အခြားသော အချိုမပါသော အရည်များဖြစ်တဲ့ လက်ဖက်ရေနွေး ကြမ်းသက်သက် ပလိန်းတီးတို့လို အရည်မျိုးထည့်ပြီး သောက်လိုက်ပါ။

(၆) အဆီများတာမှန်သမျှ ရှောင်ကြဉ်ကြ
အဆီဓာတ်အနည်းငယ်စားခြင်းသည် သင့်အတွက် ကောင်းပါတယ်။ ဒါပေမဲ့ ကျန်းမာရေးနှင့်ညီညွတ်တဲ့ မှန်ကန်သော အဆီတော့ ဖြစ်ရပါမယ်။ ပြည့်ဝဆီများကို အကန့်အသတ်နဲ့စားရမယ်။ နမူနာအားဖြင့် အသားထဲ မှာပါ သောအဆီနှင့် နို့ထွက်စားစရာများကို ဆိုလိုတယ်။ အသွင်ပြောင်း အဆီ trans fat ကိုတော့ လုံးဝရှောင်ကြဉ်ပါ။ သို့သော် မိုနိုမပြည့်ဝဆီနှင့် ပေါ်လီ မပြည့်ဝဆီကတော့ ကျန်းမာရေးနဲ့ ညီညွတ်ပါတယ်။
တကယ်တော့ တချို့သော အဆီဓာတ်မြင့်မားတဲ့ အစားအစာတွေက ဆီးချိုသွေးချိုရှိနေသူများအတွက် အကျိုးပြုတာလေးတွေရှိပါတယ်။ အစေ့ အဆန်တွေကို ကစီဓာတ်များသော အစားအစာများနှင့် တွဲ၍စားပါက သွေးတွင်း သကြားဓာတ်တက်ခြင်းကို တားဆီးနိုင်တယ်။ ထောပတ်သီး စားပေးခြင်းအားဖြင့် ဇီဝရုပ်ဖြစ်ပျက်မှုဆိုင်ရာ ရောဂါလက္ခဏာစုမဖြစ် အောင် ကာကွယ်နိုင်တယ်။ ဒါပေမဲ့ တစ်ခါ စားပမာဏကတော့ နည်းသင့် ပါတယ်။

(၇) ၁၀ဝ ကယ်လိုရီပါသော သရေစာများ
လူအများစုက ၁၀ဝ ကယ်လိုရီမျှသာပါသည်ဆိုသော သရေစာ များကို နှစ်သက်လေ့ရှိတယ်။ တကယ်တော့ သူတို့ဟာ ပုံမှန်ထည့်စား လေ့ရှိတဲ့ ပမာဏထက် ပိုစားမိခြင်းဖြင့် အဆုံးသတ်လေ့ရှိပါတယ်။ လေ့လာမှုတစ်ခုအရ အာလူးချောင်းကြော်အထုပ်သေးသေးလေး ၉ ထုပ် စားခြင်းသည် ပုံမှန်အတိုင်း အထုပ်ကြီး ၂ ထုပ်စားတာထက်တောင် ၂ဆပိုများကြောင်း တွေ့ရှိကြရပါတယ်။ ဒါ့ကြောင့် သင့်ကိုယ်သင် ရိုးသား စွာဖြင့် သတိပေးပါ။ တစ်ထုပ်စားပြီးလျှင် ကျေနပ်ပါ။

 

အယ်ဒီတာ