(၁၁) အသားဓာတ် အကူအညီ ယူပါ
ကစီဓာတ်၊ အချိုဓာတ် စားချင်စိတ်များကို ဖြေသိမ့်ရာတွင် အသား ဓာတ်စားပေးခြင်းဖြင့် လွယ်ကူစွာ ဖြေရှင်းနိုင်ပါတယ်။ အသားဓာတ် မြင့်မားစွာပါဝင်သော အစားအစာများကို အစာခြေသောအခါ နှေး ကွေးလေ့ရှိပါတယ်။ ဒါ့ကြောင့် သင့်အား ဗိုက်မဆာဘဲ အကြာကြီး နေ နိုင်စေပါတယ်။ အသားဓာတ်များက သင့်သွေးတွင်းသကြားဓာတ် ရုတ် တရက် ထိုးတက်သွားခြင်း မဖြစ်စေပါ။ ဒါ့ကြောင့် အသားဓာတ်ကို မကြာခဏ စားပေးနိုင်ပါတယ်။ အရေခွံမပါသော ကြက်သား သက် သက်၊ အဆီလျှော့ထားသော ဒိန်ချဉ်၊ အနှစ်မပါသော ကြက်ဥ၊ ဘဲဥ၊ အစေ့အဆန်များနှင့် ပဲများ စားနိုင်ပါတယ်။

(၁၂) အမျှင်ဓာတ်ဖြည့်တင်းပါ
အမျှင်ဓာတ်က အချိုသကြား စားချင်စိတ်ကို တိုက်ခိုက်ပေးပါတယ်။ နည်းလမ်းတွေ အများကြီး ရှိတယ်။ ပထမတစ်နည်းကတော့ အမျှင်ဓာတ်တွေ စားလိုက်ခြင်းအားဖြင့် သင့်ဗိုက်ပြည့်သွားပြီး အချိုအပါအဝင် ဘာမှ မစားချင် တော့ဘူး။ ဒုတိယနည်းကတော့ အမျှင်ဓာတ်မြင့်မားစွာပါဝင်တဲ့ အစား အသောက်များက စွမ်းအင်ပိုပြီးတော့ ပေးနိုင်တယ်။ ဒါ့အပြင် ၎င်းတို့က သင့်သွေးတွင်းသကြားဓာတ်ပမာဏကို မြင့်တက်စေမှာလည်း မဟုတ်ပါ။ ဆာလောင်ခြင်းဆန္ဒဖြစ်ပြီး အလွန်အကျွံစားမိစေခြင်းမျိုးလည်း မဖြစ်စေ တော့ပါ။ ဒါ့ကြောင့် သစ်သီးဝလံတွေ၊ ဟင်းသီးဟင်းရွက်တွေ၊ ဖြူဖွေးနေ အောင် ဖွပ်မထားသော ဂျုံကြမ်း၊ ဆန်ကြမ်းတွေ ရွေးချယ်စားသုံးပါ။ ဒါမှမ ဟုတ် ပန်းသီးတစ်စိတ်ပေါ်တွင် မြေပဲထောပတ် ပါးပါးလေးသုတ် လိမ်းပြီးစား ခြင်းအားဖြင့် အသားဓာတ်ရော အမျှင်ဓာတ်ပါ ၂မျိုး စလုံး ရရှိနိုင်တယ်။

(၁၃) ကာယလေ့ကျင့်ခန်းလုပ်ပါ
ကာယလေ့ကျင့်ခန်းပြုလုပ်ခြင်းက အချိုသကြားစားချင်စိတ်ကို ဖယ်ရှားနိုင် တယ်။ ဒါ့အပြင် သင်စားတဲ့ ပုံစံတွေကိုလည်း ပြောင်းလဲစေနိုင်တယ်။ သင့်အနေနဲ့ ပို၍ကျန်းမာရေးနှင့် ညီညွတ်သော အစားအစာများကို စားချင်စိတ်ဖြစ်လာစေနိုင်တယ်။ သင်ကြိုက်တဲ့လေ့ကျင့်ခန်းလုပ်နိုင်တယ်။  လမ်းလျှောက်ခြင်း၊ စက်ဘီးစီးခြင်း၊ ဒါမှမဟုတ် ရေကူးခြင်း လေ့ကျင့်ခန်းတွေလုပ်မယ်ဆိုရင်  ဖြည်းဖြည်းချင်း စတင်ပါ။ ဒါ့အပြင် တစ်ကြိမ်လုပ်လျှင်
အနည်းဆုံး မိနစ် ၃၀ ခန့် ကြာအောင်လုပ်ပါ။ တစ်ပတ်လျှင် ၅ ရက်တော့လုပ်ပါ။

(၁၄) အချိုတု၊ သကြားတုတွေ အလုပ် ဖြစ်သလား
အချို့သော လေ့လာမှုများအရ အချိုတု၊သကြားတုများက သင့်အား သကြားအချို ပို၍စားချင်စိတ် ဖြစ်စေတယ်လို့ တွေ့ထားရပါတယ်။ အဲလိုဖြစ်လာရင် သင့်ခန္ဓာကိုယ် အလေးချိန် ထိန်းချုပ်ဖို့ ပိုပြီးခက်ခဲသွားပါလိမ့်မယ်။ ကျွမ်းကျင်သူများ၏အဆိုအရ အချိုတု၊ သကြားတုများက သင့်ရဲ့အချိုကြိုက်တဲ့ ရသာခံ အဖုလေးတွေကို လှည့်စား နိုင်စွမ်းမရှိပါဘူး။ အချိုတုများဟာ ပို၍တောင် အချိုစားချင်စိတ်ကို နှိုးဆွပေးနိုင်ပါ တယ်။ ဒါ့ကြောင့် အလုပ်မဖြစ်ပါဘူး။

(၁၅) ကျန်းမာရေးနှင့် ညီညွတ်တဲ့ သကြားတွေလည်းလျှော့ပါ
ပျားရည်၊ သကြားအညို၊ ကြံရည် စသည်တို့ကို ကျန်းမာရေးနှင့် ညီညွတ်သော သကြားရယ်လို့ လူသိများကြတယ်။ ဒါပေမဲ့ သကြားဟာ သကြားပါပဲ။ ပျားတွေ ထံက လာတာဖြစ်စေ၊ ကြံပင်ကလာတာ ဖြစ်စေ၊ သွေးတွင်းသကြားဓာတ်ကို တက်စေမှာပါပဲ။ ပျားရည်နဲ့ ဖြူဖွေးနူးညံ့နေအောင်ဖွပ်မထားသော သကြား အကြမ်းခဲများက နည်းနည်းလေး အာဟာရဓာတ် ပိုပြီး ပါဝင်တာတော့ရှိတယ်။ ဒါပေမဲ့ ကယ်လိုရီကတော့ များတာပါပဲ။

(၁၆) သကြားဘယ်လောက်များရင် သိပ်များတယ်လို့ ဆိုရမှာလဲ
အမေရိကန်ပြည်ထောင်စုမှာ တော့ တစ်နေ့လျှင် သကြား လက်ဖက်ရည်ဇွန်း ၁၉ ဇွန်းနှင့်အထက် ပိုပြီးစားကြရင် များလွန်းတယ်လို့ ဆိုကြပါတယ်။ အဲဒါ ကယ်လိုရီ ၂၈၅အထိ တက်သွားနိုင်တယ်။ ဘယ်လောက်ပမာဏပဲ စားရမလဲ ဆိုတာ အမေရိကန်နှလုံးရောဂါအသင်းကြီးက သတ်မှတ်ပေးထားတာကတော့ အမျိုးသမီးများဆိုလျှင် နေ့စဉ် သကြား လက်ဖက်ရည်ဇွန်းနဲ့ ၆ဇွန်းထက် မများ စေရဘူး။ အဲဒါ ကယ်လိုရီ ၁၀ဝ ပဲ။ အမျိုးသားဆိုလျှင် တစ်နေ့ လျှင် လက်ဖက်ရည်ဇွန်းနဲ့ ၉ဇွန်းထက် မများစေရဘူးလို့ ဆိုပါတယ်။ ကယ်လိုရီ ၁၅၀ ဖြစ်ပါတယ်။

(၁၇) သကြားအမည်မခံသော အချိုများ
သင့်အနေနဲ့ အစားအသောက် အညွှန်းစာပေါ်မှာ သကြား sugar ဟူသော စကားလုံးကို အမြဲတမ်းတွေ့နေရမှာတော့မဟုတ်ပါ။ အခြားနာမည် တစ်မျိုးနဲ့ လာတတ်ပါတယ်။ အင်္ဂလိပ်ဘာသာဖြင့် ရေးလေ့ရှိတာတွေကတော့ –
(က) Agave nectar
(ခ) Brown rice syrup
(ဂ) High-fructose corn syrup
(ဃ) Dextrose
(င) Evaporated cane juice
(စ) Glucose
(ဆ) Lactose
(ဇ) Malt syrup
(ဈ) Molasses
(ည) Sucrose
စသဖြင့် ဖြစ်ပါတယ်။ အဲဒီစကားလုံးတွေ ပါလာရင်သကြားလို့မှတ်ပါ။

(၁၈) ရွက်ပုန်းသီးသကြား
တချို့အစားအသောက်တွေထဲမှာ သကြားက ပုန်းလျှိုးကွယ်လျှိုးပါဝင်နေ တတ် ပါတယ်။ သင်မျှော်လင့်မထားဘဲနဲ့ သကြားပါဝင်နေတာ ဖြစ်ပါတယ်။ အရသာကလည်း မချိုဘူး။ နမူနာအားဖြင့် ပြောရလျှင် အချို့သော ခရမ်းချဉ်ဆော့စ် Ketchup ၊ ဘာဘီကျူး ဆော့စ် (အသားကင်နှင့် တို့စားသောအနှစ်)၊ ပါစတာ ဆော့စ်စသည်တို့ထဲမှာ သကြား တွေ အများကြီးပါဝင်ပါတယ်။ အချို့သော ဟင်းရွက်သုပ်အနှစ်၊ ပေါင်မုန့်၊ မီးဖုတ်ထား သော ပဲ စသည်တို့မှာလည်း ပါတတ်ပါတယ်။ ဒါ့ကြောင့် အစားအသောက်ဝယ်ရင် အညွှန်းဖတ်တဲ့အလေ့အကျင့်ကို လုပ်ပါ။ မဝယ်ခင် ဖတ်ကြည့်ပြီး သကြားပါဝင်မှုများ၊ မများ စစ်ဆေးပါ။

(၁၉) သကြားက ဆီးချိုသွေးချို ဖြစ်စေသလား
သကြားသက်သက်ကိုယ်၌ကတော့ ဆီးချိုသွေးချိုရောဂါကို ဖြစ်စေတာမဟုတ်ပါ။ ဒါပေမဲ့ တစ်ခါစားလျှင် သကြားအမြောက်အမြား စားခြင်းဖြင့် သကြားဓာတ် ထိုးတက်သွားစေခြင်းက ပြဿနာ ဖြစ်ပါတယ်။ ကိုယ်အလေးချိန်များတဲ့ပုဂ္ဂိုလ်တွေမှာ သကြားဓာတ်ကို အသုံးပြုတဲ့ အင်ဆူလင်ကို သုံးစွဲတဲ့အချိန်က ကြာတတ်ပါတယ်။ အင်ဆူလင်ဆိုတာ သကြားဓာတ်ကို ထိန်းချုပ်ပေးသော ဟော်မုန်းဖြစ်ပါတယ်။ သင့်ခန္ဓာကိုယ်က အင်ဆူလင်ကို ခံနိုင်ရည်ရှိလာတဲ့အခါ သွေးတွင်းသကြားဓာတ်တွေ မထိန်းချုပ်နိုင်တော့ဘဲ ဆီးချိုသွေး ချိုရောဂါ ဖြစ်သွားနိုင်ပါတယ်။

အယ်ဒီတာ