(၁)ကျွဲသား
အသားတွေထဲမှာ အဖြူရောင် အသားက အနီရောင်အသားထက် ကျန်းမာရေးနဲ့ ပိုသင့်တော်တယ်လို့ ဆိုပေမဲ့ ကျွဲသားကတော့ ချွင်းချက် ပါပဲ။ ကျွဲသားဟာ အမဲသားထက် အဆီဓာတ်ပါဝင်မှု နည်းပါးပါ တယ်။ ဒါ့အပြင် ကျွဲတွေဟာ ယေဘုယျအားဖြင့် မွေးမြူရေးအစာ (စပ်ထားသောအစာ) ဖြင့် မွေးမြူ ခြင်းမဟုတ်ဘဲ သဘာဝမြက်ကို စားသုံးတဲ့အတွက် ကျန်းမာရေးနဲ့ ပိုမို ညီညွတ်စေပါတယ်။

(၂) ဝက်သား


ဝက်သားဟာ သင့်တင့်တဲ့ ပမာဏ (၈ အောင်စ) ခန့် သာ စားသုံးမယ်ဆိုရင် သင့်အတွက် ကောင်းမွန်စေပါ တယ်။ ဝက်သား ဟာ အဆီနည်းတဲ့အသားတော့ မဟုတ် ပါဘူး။ ဒါပေမဲ့ အသား သက်သက် ဝက်သားဟာ အသား သက်သက် ၈၅ ဂရမ်မှာ အဆီ ဓာတ် ၂.၉၈ ဂရမ် ပါဝင်ပြီး အရေခွံမပါတဲ့ ကြက်ရင်အုပ်သားမှာ အဆီဓာတ် ၃.ဝ၃ ဂရမ် ပါဝင်ပါတယ်။ အဆီအသားရောရာ ပုံမှန်ဝက်သား မှာ ဆိုရင်တော့ အဆီဓာတ် ၈ ဂရမ် ပါဝင်ပါတယ်။

(၃) ကြက်သား


ကြက်သားဟာ အဖြူရောင် အသားဖြစ်တဲ့အတွက် ကျန်းမာရေးအတွက် သင့်တော်ပါတယ်။ အရေခွံမပါလျှင် အဆီဓာတ် နည်းပါးပါတယ်။ ဒါပေမဲ့ သူဟာ အီးကိုလိုင် (E.coli) ပိုးပါဝင်လေ့ရှိတဲ့ အသား ဖြစ်တာကြောင့် အပူချိန် ၁၆၅ ဒီဂရီဖာရင်ဟိုက် အနည်းဆုံးထားပြီး ကျက်အောင်ချက်စားသင့်ပါတယ်။ ကင်ပြီးစားရင် တော့ကင်ဆာဖြစ်စေတတ်တဲ့ ဓာတ်တွေ ပါဝင်တာကြောင့် ကြက်ကင်ကိုတော့ ကန့် သတ်ချက်နဲ့ စားသုံးသင့်ပါတယ်။

(၄) ငါး


ငါးဟာ အဖြူရောင်အသား ဖြစ်တဲ့အပြင် အိုမီဂါ-၃ ဖက်တီး အက်စစ် (Omega-3 Fatty Acids) တွေ ကြွယ်ဝတဲ့အတွက် နှလုံးရောဂါ ဖြစ်ပွားနှုန်းကို လျော့နည်းစေပါတယ်။ ဒါ့အပြင် လေ့လာမှုတွေအရ ငါးများများစားတဲ့ သူတွေဟာ အူမကြီးကင်ဆာဖြစ်ပွားမှု လျော့နည်း ကြောင်း တွေ့ရှိရပါတယ်။

(၅) ကြက်ဆင်သား


ကြက်ဆင်သားဟာ အဖြူရောင် အသားဖြစ်ပါတယ်။ ၄င်းဟာ ကြက်သားထက်ပိုပြီးအရသာရှိပါတယ်။ ကြက်ဆင်သားဟာလည်း အဆီဓာတ် နည်းပါးပါတယ်။

နိဂုံး
ယေဘုယျအားဖြင့် ပြောရလျှင် သင်စားသမျှ အရာအားလုံးကို အလယ်အလတ် ပမာဏစားသုံးပါ။ ကျန်းမာရေးနှင့်
ညီညွတ်သော အသားပင် ဖြစ်လင့်ကစား သင့်တင့်မျှတသော ပမာဏကိုသာ စားသုံးပါ။ အာဟာရ ပညာရှင်တွေရဲ့ အကြံပြုချက်ကတော့ တစ်နေ့တာ သင်စားသုံးတဲ့ အသားပမာဏ စုစုပေါင်းဟာ သင့်ရဲ့ လက်သီးဆုပ် အရွယ်ပမာဏ ခန့် ရှိသင့်ပါတယ်။ သင့်ရဲ့ ညီညွတ် မျှတတဲ့ အစားအစာထဲမှာ သစ်သီးဝလံနဲ့ ဟင်းသီးဟင်းရွက်တွေကို
ထပ်ပေါင်းထည့်သင့်ပါတယ်။

ခိုင်မွန်ကျော်