ကျန်းမာရေးနှင့်ညီညွတ်တဲ့ စားသောက်မှုပုံစံဖြစ်ဖို့အတွက် မိမိတို့စားသောက်နေသော အစားအစာများ စာရင်းထဲမှာ ပိုပြီးပါသင့်တဲ့ အာဟာရဓာတ်များ ရှိသလို လျှော့စားသင့်တဲ့ အာဟာ ရဓာတ်တွေလည်း ရှိပါတယ်။
ယခုတစ်ပတ်မှာတော့ သင့် အစားအသောက်ထဲမှာ ပိုမိုထည့် သွင်းသင့်သော အာဟာရဓာတ်များကို ဖော်ပြပါမယ်။
(၁) ဟင်းသီးဟင်းရွက် သစ်သီးဝလံများ
(၂) ဟင်းသီးဟင်းရွက် အမျိုးမျိုးစားနိုင်အောင် ကြိုးစားပါ။ အထူးသဖြင့် အစိမ်းရင့်ရောင်၊ အနီ ရောင်နှင့် အဝါရောင် ဟင်းသီး ဟင်းရွက်များစားပါ။ ပဲအစို အခြောက်စားပါ။
(၃) Whole grainsလို့ခေါ်တဲ့ ဖြူ ဖွေးနူးညံ့နေအောင် ဖွပ်မထားတဲ့ ဂျုံကြမ်း၊ ဆန်ကြမ်းကို မိမိစားမည့် ဂျုံ၊ ဆန်ပါဝင်သော စားစရာများ၏ တစ်ဝက်ခန့်ကို ပါဝင်စေရပါမယ်။ ဖြစ်နိုင်လျှင် ဂျုံကြမ်း၊ ဆန် ကြမ်းများကိုသာ စားပါ။
(၄) အဆီလွတ် သို့မဟုတ် အဆီလျှော့ထားသော နို့နှင့် နို့ထွက် စားစရာများကို ပိုစားပါ။ အဆီထုတ်ထားသော နို့၊ အဆီ မပါသော ဒိန်ချဉ်၊ ဒိန်ခဲသို့မဟုတ် အားဖြည့်ထားသော ပဲနို့ရည်။
(၅) အသားပါဝင်သော အစားအစာအမျိုးမျိုးကို ရွေးချယ်ပါ။ ပင်လယ်စာ အရေခွံနှင့် အဆီ မပါ အသားသက်သက်၊ ကြက်ဥ၊ ဘဲဥ၊ ပဲအမျိုးမျိုး၊ ပဲပိစပ်ဖြင့် ပြုလုပ်ထားသော စားစရာများ၊ ဆားမပါသော အစေ့အဆန်များ ပိုစားပါ။
(၆) ပင်လယ်စာအမျိုးမျိုးကို အသားနှင့် ငါးအစား ပိုစားပါ။
(၇) အဆီသုံးလျှင်ခဲသော အဆီများ၊ အဆီခဲများ မသုံးပါနှင့်။
(၈) ပိုတက်စီယမ်၊ အမျှင်ဓာတ်၊ ကယ်လ်စီယမ် ပို၍ ပါဝင်သော စားစရာများကို ရွေးချယ်ပါ။ အခြားမဟုတ်ပါ။ ဟင်းသီးဟင်း ရွက်၊ သစ်သီဝလံ၊ ဂျုံကြမ်း၊ ဆန်ကြမ်းနှင့် အဆီထုတ်ထားသော နို့နှင့်နို့ထွက်စားစရာများ ဖြစ်ပါတယ်။

မောင် (ဆေးတက္ကသိုလ်)