မိမိတို့၏ လက်မှုအနုပညာ လက်ရာများကို ကိုရီးယားမလေးက ကြည့်ရှုစစ်ဆေးပေးပြီး စာရွက် ကတ်ပြားလေးတစ်ခုစီ ထုတ်ပေး ၏။ Soft Pen တစ်ချောင်းကို လည်း ပေးပြီး ထိုကတ်ပြားအလွတ် တစ်နေရာတွင် မိမိတို့အမည်များ ကို အင်္ဂလိပ်ဘာသာ Capital Letter နှင့် ရေးထိုးခိုင်း၏။ ပတ်စ် ပို့ထဲတွင် စာလုံးပေါင်းထားသည့် အတိုင်း ရေးပေးရန်လည်းပြောသ ဖြင့် မိမိတို့၏ အမည်များကို ရေး ပေးလိုက်ကြသည်။ သူမက အင်္ဂ လိပ်လို အသံထွက်ဖတ်ကြည့်ပြပြီး နားထောင်ခိုင်းသည်။ အသံက ဝဲသော်လည်း မိမိတို့က အိုကေဟု ပြောလိုက်သောအခါ ထိုအသံ ထွက်အတိုင်း ကိုရီးယားအက္ခရာ များဖြင့် အောက်တွင် ရေးချလိုက် သည်။

ထို့နောက် ကိုရီးယားပုံနှိပ်စာ လုံးများဖြင့် အသင့်ရေးထားသော စာများပါရှိသည့် ကတ်ပြားတစ်ချပ် ပေါ်တွင် အောက်ပိုင်း၌ မိမိတို့ အမည်ကို ကိုရီးယားအက္ခရာများ ဖြင့် ရေးလိုက်သည်။ အပေါ်ပိုင်းက ကိုရီးယားစာများက ဘာတွေ ရေး ထားမှန်းမသိသော်လည်း အောက် ဆုံးတစ်ကြောင်းကတော့ Date/Name : ဟူသော စာကိုတော့ အင်္ဂ လိပ်ဘာသာဖြင့် ရေးထား၍ ဖတ် လို့ရသည်။ ရက်စွဲကို Oct.23.2017 ဟု သူ့လက်ရေးဖြင့် ရေးဖြည့်လိုက် ပြီးနောက် အောက်ဆုံးတွင် မိမိ၏ အမည်ကို ကိုရီးယားဘာသာဖြင့် ရေးလိုက်ခြင်းဖြစ်သည်။

ယခု ထိုအကြောင်းအရာများ နှင့် သက်ဆိုင်လာပြီဖြစ်၍ ဘာ တွေ ရေးထားသလဲသိရန်အတွက် နိုင်ငံခြားဘာသာသင် ကိုရီးယား ဘာသာစကားသင်ယူတတ်မြောက် ထားသော တူမတစ်ဦးကို ဖတ်ခိုင်း ပြီး ဘာသာပြန်ခိုင်းရသည်။ တူမ လေး၏ ဘာသာပြန်ချက်မှာ အောက်ပါအတိုင်းဖြစ်၏။
“လေးထောင့်ပုံစားပွဲ”
ရိုးရှင်းပြီး လက်တွေ့အသုံးပြု လို့ရသည့် ကိုရီးယားရိုးရာသစ်သား ပရိဘောဂအမျိုးအစားထဲက တစ် မျိုးဖြစ်ပြီး စာရေးကိရိယာနှင့် စာ အုပ်၊ ပေါ့ပါးသည့် အလှပန်းအိုး အစရှိသည်တို့ကို တင်ထားလို့ရ သည့် လေးထောင့်ပုံစံစားပွဲဟု အဓိပ္ပာယ်ရသည်။ တိုင်လေးခု၏ အထပ်တိုင်းတွင် သစ်သားမျက်နှာ ကြက်ဖြင့် လေးထောင့်ပုံစံအတိုင်း ဖွဲ့စည်းထားသောကြောင့် လေး ထောင့်ပုံစားပွဲဟုခေါ်သည်။ လက် တွေ့အသုံးပြုလို့ရသည့်အပြင် လှပ မှုဖြင့် ဖွဲ့စည်းထားသည့် ရိုးရာ သစ်သားပရိဘောဂဖြစ်ပါသည်” … ဟူ၍ ဖြစ်၏။

သည်တော့မှ မိမိ၏ ထင်မြင် ချက်တွေ အမှားကြီးမှားနေမှန်း သိရတော့၏။ မိမိ ယခင်တစ်ပတ် ခရီးဆောင်းပါးထဲတွင် ထိုပစ္စည်း လေးကို သစ်သားတံခါးရွက်တစ်ခု ဟု ထင်ပြီး ဤအတိုင်း ရေးမိခဲ့ သည်။ မိမိတို့က ကိုရီးယားမလေး ကို ဘာပစ္စည်းလဲဆိုတာ မမေးမိခဲ့ ပေ။ ပုံစံတူပြထားသည့်အတိုင်း လုပ်ဆောင်ပြခဲ့ကြခြင်းဖြစ်သည်။ ထိုကဲ့သို့ မှား၍ရေးခဲ့မိသည့် အတွက် အမှန်အတိုင်း ပြင်ဆင် ဖတ်ရှုကြပါရန် စာဖတ်ပရိသတ် ကြီးများကို မေတ္တာရပ်ခံ တောင်း ပန်အပ်ပါ၏။

တကယ်တော့ ထိုစားပွဲလေး မှာ ခပ်သေးသေးဖြစ်ပြီး ဧည့်ခန်း ၏ နံရံ ၂ခုဆုံရာထောင့်လို နေရာ မျိုးတွင် နေရာကွက်လပ်ဖြည့်သည့် သဘောမျိုးနှင့် ထားလို့ရသော စား ပွဲ အသေးစားလေးတစ်ခုဖြစ်ဟန် ရှိသည်။ ဧည့်ခန်းမဟုတ်တောင်မှ အိပ်ခန်းကဲ့သို့ အခန်းမျိုးထဲတွင် စားပွဲကြီးကြီးထားရန် နေရာမဆန့် သည့်အတွက် ခပ်သေးသေးပြုလုပ် ထားသော ခွေးခြေသာသာစားပွဲ ရှည်မျှောမျှောလေးဖြစ်သည်။ အဆင့် ၂ထပ်ပါသဖြင့် ပစ္စည်းများ ကို အကန့်အဆင့်များများ ထားနိုင် သည်။ အိပ်ရာဘေးတွင် ထားရန် ဖြစ်ဟန်ရှိပြီး လွယ်လွယ်ကူကူ ပေါ့ ပေါ့ပါးပါး လိုအပ်မည်ထင်သော ပစ္စည်းများကို သီးသန့်တင်ထားနိုင် ရန် ဖန်တီးထားခြင်းဖြစ်သည်။ အောက်ဆုံးအထပ်တွင် အနီရောင် ဗိန်းခြယ်ထားပြီး အလယ်တွင် လက်ကိုင်လိုလို ပစ္စည်းတစ်ခုပါ သေးရာ အံဆွဲငယ်တစ်ခုဖြစ်ဟန် ရှိသည်။ (မသေချာပါ) စားပွဲရှည် လေး၏ မျက်နှာစာတစ်ဖက်တည်း ကိုသာ မိမိတို့ဖန်တီးပြုလုပ်ပေးကြ ရခြင်းဖြစ်လေသည်။

ထို့နောက် မိမိ ဖန်တီးလုပ် ဆောင်လိုက်သော အနုပညာလက် ရာ၊ ကိုရီးယားလေးထောင့်စားပွဲနှင့် မိမိ၏ ရုပ်ပုံတို့ကိုအတူတွဲ၍ ဓာတ် ပုံရိုက်ရန်၊ ပြီးတော့ ဖေ့စ်ဘွတ် Facebook တွင် K.culturalexperience ဟူသော စာမျက်နှာကိုရှာရန် တွေ့ပါက Like ကို Click လုပ်ရန်ပြီးလျှင် မိမိနှင့် လက်မှုပညာပစ္စည်းတွဲ၍ ရိုက်ထားသည့်ဓာတ်ပုံကို comment နှင့်တကွ တင်ရန်၊ ထိုသို့ တင်ပြီးပါက ကိုရီးယားစင်တာတွင် ရှိသော အဖွဲ့ဝင်တစ်ဦးဦးအား ထိုပုံကို ပြရန် ဖြစ်သည်။ ပြီးတော့ လက်ဆောင်သေးသေးလေးတစ်ခု ရယူရန်ဖြစ်လေသည်။

မိမိတို့ ၂ဦးကိုတော့ သူမက ဖေ့စ်ဘွတ်တင်ပြီး ဓာတ်ပုံပြပြီး သည်အထိ အစောင့်မခိုင်းတော့ ဘဲ လက်ဆောင်များပေးလိုက် သည်။ ထိုလက်ဆောင်ကားအခြား မဟုတ်။ မိမိတို့ဖန်တီးပြုလုပ်ခဲ့ သော လက်မှုပညာပစ္စည်း ကိုရီး ယား လေးထောင့်စားပွဲ ပုံစံတူ လေးကိုပဲဖြစ်ပါသည်။ ကတ်ဘူး ထူထူထဲတွင် သေသေချာချာ ကျကျနန ထည့်သွင်းရန် ပလတ် စတစ်အိတ်ဖြင့် ပတ်ကာ ပေးလိုက် ခြင်းဖြစ်သည်။ မိမိတို့လည်း ကိုရီး ယားမလေးနှင့် ယှဉ်တွဲ၍ အမှတ် တရဓာတ်ပုံ ရိုက်လိုက်ကြသေးသည်။
ဆက်ရန်

ဒေါက်ထွေး (ဆေး/မန်း)