တစ်နေ့ ဆားဘယ်လောက်များများ စားရမလဲ

ဆားက မရှိမဖြစ်လိုအပ်တဲ့ အာဟာရဓာတ်တစ်ခု ဖြစ်ပါတယ်။ ဆားရဲ့ကောင်းကျိုးတွေကတော့…….

♦ ခန္ဓာကိုယ်တွင်း အရည်ဓာတ်ကို မျှခြေဖြစ်အောင်ထိန်းညှိပေးပါတယ်။

♦ အစာခြေခြင်းကို ကူညီပါတယ်။

♦ သွေးတွင်းအက်စစ်ဓာတ် အခြေအနေကို ထိန်းပေးပါတယ်။

♦ အာရုံကြောများအတွင်း သတင်းပို့လွှတ်မှုကို ကူညီပါတယ်။

#ဆားရဲ့ ဆိုးကျိုးတွေကတော့………

♦ ဆားများစွာ စားပါက ခန္ဓာကိုယ်အတွင်း၌ ရေတွေ အများကြီးစုဝေးစေပြီး သွေးဖိအားလည်း တက်လာစေပါတယ်။

♦ သွေးကြောများ ပျက်စီးလာနိုင်ပါတယ်။

♦ ဆိုဒီဓာတ်ရဲ့ အကြီးမားဆုံးအန္တရာယ်ကတော့ သွေးဖိအားမြင့်တက်ခြင်း ဖြစ်ပါတယ်။

♦ သွေးဖိအားများရာမှတစ်ဆင့် လေဖြတ်ခြင်း၊ နှလုံးတိုက်ခိုက်ခံရခြင်း၊ ကျောက်ကပ်ရောဂါဖြစ်ခြင်း၊ သတိမေ့ခြင်းစတဲ့ ရောဂါများရနိုင်ပါတယ်။

♦ လူသိနည်းသေးတဲ့ ကျန်းမာရေးပြဿနာကတော့ အရိုးပါးရောဂါ၊ အစာအိမ်ကင်ဆာ နှင့် ကျောက်ကပ်ကျောက်တည်ခြင်းရောဂါများဖြစ်တတ်ပါတယ်။

ဆားစားတဲ့အခါ………

♦ ဒါကြောင့် ဆားစားခြင်းကို လျှော့ရပါမယ်။

♦ အကန့်အသတ်နဲ့ စားရပါမယ်။

♦ အဆင်သင့် ထုပ်ပိုးထားတဲ့ စားစရာများကို ဝယ်တဲ့အခါ “ဆားလျှော့ထည့်ထားသည်” ဟု စာညွှန်းရေးထားတဲ့ စားစရာကို ရွေးချယ်ဝယ်ယူပါ။

♦ စွပ်ပြုတ်ဟင်းရည်များထဲတွင် ဆားလျှော့ထည့်ပါ။ ဆားအစားအမွှေးအကြိုင်များ၊ သဘာဝ ဆေးဖက်ဝင်ပစ္စည်းများ ထည့်သွင်း အသုံးပြုပါ။ ကြက်သွန်ဖြူမှုန့်၊ ကြက်သွန်နီမှုန့်၊ ငရုတ်ကောင်းမှုန့်များ အစားထိုးသုံးစွဲပါ။

♦ ဆိုဒီယမ် (ဆား) ဓာတ် လူကြီးတစ်ယောက်အတွက် တစ်နေ့လျှင် ၁၅၀၀ မီလီဂရမ် (အများဆုံး ၂၃၀၀ မီလီဂရမ်)လို အပ်ပါတယ်။