ကျန်းမာရေးနဲ့ညီညွတ်အောင် နေ့လယ်စာကိုလည်း အလားတူပဲ ဉာဏ်ရှိသလို ပြင်ဆင်ချက်ပြုတ်နိုင်ပါတယ်။ အနောက်တိုင်းအစား အစာစားလိုသူများအနေနဲ့ နံနက်စာမှာစားတဲ့အတိုင်း ပေါင်မုန့်ကို ၂ချပ်လောက် စားနိုင်ပြီး (ဒါမှမဟုတ် ခရက်ကာမုန့် ၂ချပ် စားနိုင်) တူနာငါးဖြင့် အသားညှပ်မုန့်လုပ်နိုင်ပါတယ်။ ခရမ်းချဉ်သီး၊ မုန်ညှင်း ရွက်တို့ကို ကော်ဖီပန်းကန်လုံးနဲ့ တစ်လုံးစာစီ စားနိုင်ပါတယ်။ သစ်သီး ဝလံအဖြစ် ပန်းသီးတစ်လုံးလောက် စားနိုင်ပါတယ်။
မြန်မာအစားအစာဆိုလျှင် နံနက်စာမှာဖော်ပြသည့်အတိုင်း ထမင်းတစ်ပန်းကန်၊ အရေခွံနှင့် အဆီမပါဘဲ ပြုတ်ပေါင်းထားသော ဆီမပြန်သော အသားဟင်း တစ်ခွက်ထည့်နိုင်ပါတယ်။ မြန် မာ့ရိုးရာ ငါးပိရည်နှင့် တို့စရာ ဟင်းသီးဟင်းရွက်များ ထည့် နိုင်ပါတယ်။ အသားရဲ့ ပမာဏ ကတော့ ၄အောင်စထက် မများစေသင့်ပါ။ အချိုပွဲအဖြစ် သစ်သီးဝလံတစ်ခုခု အနေတော် တစ်ခါစားစာထည့် စားနိုင်ပါ တယ်။
ယခုဖော်ပြခဲ့တာကတော့ နမူနာ နေ့လယ်စာအစီအစဉ် ဖြစ်ပါတယ်။ မိမိဘာသာအလား တူ မတိမ်းမယိမ်းဖြစ်သော ဟင်း လျာများကိုလည်းစီမံနိုင်ပါတယ်။
အရေးကြီးတဲ့ အချက်က တော့ ကစီဓာတ်(ဆန်၊ ပေါင်မုန့်) မများစေဖို့၊ ဆီပြန်မဖြစ်စေဖို့နှင့် အငန်မကဲစေဖို့ပဲဖြစ်တယ်။ သစ် သီးဝလံနှင့် ဟင်းသီးဟင်းရွက် များကိုလည်း ထည့်ဖြစ်အောင် ထည့်ရပါမယ်။

 

မောင် (ဆေးတက္ကသိုလ်)